De stille besoarger

Yn in romte sûnder rúten sitte twa manlju te wachtsjen. De iene leit op bêd en besiket de krante te lêzen, wylst de oare ûnwennich hin en wer keutelt om't er tee sette wol, mar him hieltiid oare tinzen yn'e kop sjitte. De man op bêd, Ben, fynt al dat freegjen tige ferfelend: syn maat Gus moat de kop derby hâlde, want se hawwe aanst 'in put' te dwaan. Stadichoan begrypt de taskôger dat we te krijen hawwe mei twa hiermoardners dy't wachtsje op in nije opdracht. De krekte omstânnichheden wurden lykwols net dúdlik. Net foar de twa manlju, mar ek net foar de taskôger: wa is krekt dy Wilson (de man dy't de opdrachten skynt te jaan)? Wa is it takomstich slachtoffer? Wer binne se eins? Wer binne se krekt bang foar? Dat lêste wurdt foar in part wol dúdlik: se hawwe eangst foar it ûnbekende. Dy eangst wurdt noch grutter - en foar de taskôger ek hilarischer - as der fia in lytse frachtlift it iene nei it oare ûnmooglike fersyk om iten komt. De manlju tinke dat se oan dy fersyken foldwaan moatte, mar witte net hoe. Dan komt yn it lêst DE opdracht op in briefke. De twa kontrolearje harren revolvers. Gus wol noch efkes nei it hûske, mar in tel letter is hy it dy, ferdwaasd en sûnder revolver, troch de doar komt, dêr wêr't Ben it slachtoffer ferwachtet... In tige nijsgjirriche 'klasiker' út it moderne wrâldrepertoire.
Skriuwer(s): PINTER, Harold
Titel: De stille besoarger
Skreaun yn: 1960
Utjoen yn: 2000
Te keap: 0
Oersetter: Ytsje Hettinga
Oarspr. Titel: The dumb waiter
Ynfierdatum: 2000-04-12
Dekor: In keale keamer sûnder rúten, mei twa duorren
Omfang: Ienakter
Rjochten: Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje.
Tal froulju: 0
Tal manlju: 2