Stasjon

Op it perron fan in lyts stasjon wachtet húsfrou Ria (48) op in âlde freon, dy't werom komt nei it doarp. Dat blykt Renate te wêzen, in transeksueel. Ria wol har sa fluch mooglik op de folgjende trein nei Ljouwert sette, om't se tinkt dat de komst fan Renate tefolle opskuor yn it doarp bringe sil. Mar Renate hie safolle moed nedich om it oan te doarren en nei jierren werom te kommen as frou, dat se lit har no net fuortstjoere. De twa reitsje yn petear oer harren mienskiplike bernetiid. Ald sear komt boppe driuwen. It docht bliken dat Ria sels nea de stap sette doarde om fuort te gean. Stadichoan fine de freonen fan doe dochs noch wat fan harren freonskip werom. NB 9e sêne út 'Hertejacht'. Sjoch HOEKSTRA, L. - 'Feesttinte' foar mear ynformaasje oer dit stik. De sênes kinne ek apart spile wurde. RIA komt ek foar yn MIEDEMA, Baukje - 'Atelier'. RENATE komt ek foar yn BOER, Tsjitske de - 'Yngong feesttinte'.
Skriuwer(s): ZIJLSTRA, Antine
Titel: Stasjon
Skreaun yn: 1997
Utjoen yn: 1997
Te keap: 1
Ynfierdatum: 1999-03-16
Dekor: Perron fan in lyts stasjon.
Omfang: Ienakter
Rjochten: Dit stik is spile troch Tryater. Fragen oer opfieringsrjochten kinnen rjochte wurde oan de dramaturch fan frats (Keunstwurk) of oan Tryater.
Tal froulju: 1
Tal manlju: 1