1. Charlotte rommet har appartemint leech. Har eks-man komt del. Hy wennet al in jier by Micheline, de masseuse fan Charlotte. Se prate oer harren dochter, oer harren houlik en de jierren dat se by elkoar wienen. Uteinlik krije se rûzje oer in lampe. Nei de rûzje komme se neier by elkoar en beslute se it wer tegearre te besykjen. Mar oft dat ek wat wurdt is wer wat oars… 1 frou/2 manlju

2.Jessica, jonge frou fan 20, besjocht mei de makeler it appartemint. Bob, har oansteande, is in fjirtiger, dy’t alles op alles set om by de freonen fan har jierren te hearren. Dan komt Betty, de flotte, jeugdige, frijfochten mem fan Jessica, dy’t yn in kommune wenne hat, del om yn ’e kunde te kommen mei har skoansoan. It docht bliken dat Bob en Betty elkoar 20 jier lyn koenen en wat mei elkoar hienen. Bob set doch mar gjin hantekening ûnder it keapkontrakt. 2 froulju/2 manlju

3.Irene, in tige rike frou, dy’t it wend is om har leafde en gelok te keapjen, stiet op it punt om it appartemint te keapjen foar har jongere minner. In treffen mei de skilder yn it appartemint docht har fan betinken feroarjen.
1 frou/2 manlju

4.Georgette wachtet by de klearmakke krysttafel op har minner Marcel, dy’t se in jier lang net sjoen hat. It rint net hielendal sa’t se tocht hie. Marcel en Georgette diele in geheim, dat tusken harren stiet. Dan wurdt Georgette fassinearre troch de besoarger fan de krystkalkoen. Marcel sjocht deadlik ferskrikt, hy werkent dizze sêne… 2 froulju/3 manlju