‘Hanke Pod’, as jonge ien fan neat, komt yn ’t âlde doarp werom as “Prefester Haanstra’, de útfiner fan de psychoflits en wurdt by Notaris en Notariske Snoekema as in man fan heech oansjen ynhelle en wakker let en set. Alle gelegenheid wurdt him dêr bean om syn útfining op ‘e minsken dêr, ek op menhear syn klerken, út te prebearjen. Sa leit er troch de wei fan foto’s it hiele sielelibben fan no en earder fan syn proefkninen bleat en fansels net sûnder gefolgen. Dizze fining, dy’t neffens ‘prefester’ it bringen fan de ivige frede ynhat, bringt ûnfersjoene konsternaasjes en skelen teweech dy’t net wer te lymjen lykje. Mar pref. spint der goed jern by salang ’t Notaris him syn folle betrouwen jout en Ké Kloaster, de âldfaam mei jild, him stipet mei har leafde en….. har spikers.
Mar oan alle moaie dingen komt in ein en mei de komst fan de resjersjeur teskromfelt it oansjen yn ta minachtsjen foar de slûchslimme Hanke Pod. De frede komt wèr.