Nijs
Ienakterfestival by Tryater
Op 20 en 21 maart is it safier yn it Tryatergebou: it Ienakterfestival by Tryater yn Ljouwert!
Keapje hjir dyn kaarten mei stapelkoarting en belibje fiif spesjaal hjirfoar skreaune ienakters, spile troch seis amateurferieningen en twa gearstalde groepen.
De stikken wurde allegearre útfierd op in passende lokaasje yn ús gebou.
Benijd nei wa, wat en wêr? Sjoch dan hjirûnder nei it blokkeskema! StUFT sil aldizze stikken opnimme yn it nije repertoire foar it teaterfjild yn Fryslân.
Krystfakânsje
Ek de StUFT en it steunpunt/depot geane der efkes tuskenút. Fan 19 desimber 2025 oant 4 jannewaris 2026 binne wy sletten. Op 5 jannewaris steane wy jimme graach wer te wurd. De mail wurdt wol lêzen, dus algemiene fragen kinne dêr wol steld wurde: ynfo@stuft.nl. Let wol op dat it in dei of wat duorje kin oant der in reaksje komt.
Wy winskje jimme allegearre alfêst moaie dagen ta en sjogge jimme graach wer yn 2026!
Presintaasje nije stikken fan de kursus Jûnfoljend stik skriuwe fan Keunstwurk
Op 17 oktober presintearje de kursisten fan de kursus “Jûnfoljend stik” harren wurk. Ut it stik wurde ek ien of twa sênes spile.
Der ek by wêze? Dat kin, want elke skriuwer wol fansels ek publyk! Oanmelde kin fia dizze link.