Finzene ûntsnapt

/in , /door

It is 24 desimber, de dei foar kryst. Fernand De Bleeckere is de direkteur fan de finzenis fan in lytse, provinsjale finzenisynstelling.
Hy is in korrekte en yntelliginte, mar ek in bytsje in naïve en in net selsfersekere man fan middelbere leeftiid.
Tegearre mei syn dominante frou Greta wennet er yn de lytse, mar komfortabele tsjinstwenning fan it finzeniskompleks.
Omdat er syn finzenis sa goed wit te bestjoeren en omdat der noch nea immen yn slagge is om te ûntsnappen, is Fernand foardroegen foar promoasje.
Dêrby heart ek oerpleatsing nei in gruttere ynstelling.
Greta, dy’t in ferhâlding hat mei Eugène Bauwens, de haadsipier, sjocht in oerpleatsing krekt fanwege dy relaasje yn earste ynstânsje fuortdalik net sa sitten, likemin as Eugène.
De lêste details fan de oerpleatsing moatte lykwols hjoed regele wurde en dêrom komt Herman Simonis, in hege amtner fan it ‘Bestjoer foar it Finzeniswêzen’ op besite. Yn ’e rin fan ’e dei sille ek Betty Dochez, de sus fan Greta en har nije freon Theo Lieten arrivearje om mei Fernand en Greta krystjûn te fieren.
Nadia, de iennichste dochter fan Fernand en Greta dy’t al jierren yn Amearika wennet, sil op dizze dei ûnferwachts del komme.
Mar krekt hjoed is Bert Verelst, in lytse oplichter dy’t sûnder in earlik proses feroardiele is, deryn slagge om te ûntsnappen.

Heit

/in , /door

Stadichoan glidet André fuort yn in dizige wolk en rekket de wrâld dy’t er sa goed koe fierder út byld.
Oantinkens fergean, fertroude gesichten ferdizenje.
Krampachtich besiket er grip op syn libben te krijen dat stadichoan útinoar liket te fallen sûnder dat er begrypt wêrom.
Syn ûnrêst en panyk reitsje net allinnich him, mar ek syn dochter Anne.
It stik sit fol werkenbere situaasjes dy’t net allinnich sear dogge, mar tagelyk ek bûtengewoan komysk binne.

De wanten fan Cornelia

/in , , , , /door

In 1826 vaart de bemanning van de galjoot “Harlingen” uit voor de walvisvaart.
Het noodlot slaat toe: zij komen vast te zitten in het ijs en het schip vergaat.
Het stuk, gebaseerd op ware feiten, aangevuld met de fantasie, vertelt over de belevenissen van de walvisvaarders én van de thuisblijvers in Harlingen.
Over honger, verlangen en wanhoop. De enige die weet hoe het af zal lopen is Wazige Wietske, die altijd zeven dagen in de andere week op kijkt: “Geduld, je mutte sterk weze, ies.”
Klinkt dramatisch, maar dankzij de Harlinger humor in het stuk, valt er ook genoeg te lachen…

Muziekstuk/streektaal/historisch toneel

museale swirrichheden

/in , /door

It giet Museum Auwerd net foar de wyn. Krekt no’t se dwaande binne mei in ferbouwing krije se te hearren dat der hier betelle wurde moat foar de gebouwen. Oant no ta mochten se dy fergeefs brûke fan de eigners fan G/E, it grutte behangfabryk.
De gemeente hat ek witte litten dat se folle minder subsydzje krije.
Benammen Gryt, de ponghâlder, is bang dat se finansjeel de holle net boppe wetter hâlde kinne.
It natoermuseum – in partikuliere samling dy’t yn Museum Auwerd ûnderdak fûn hat, wurdt yn syn bestean bedrige.
Manny, de nije konservator, wol der graach fan ôf. For de romte dy’t dan frij komt, hat se grutte plannen.
Yn Atsje, foarsitter fan it natoermuseum, hat se in net te ûnderskatten tsjinstanner.
Dy docht er mei help fan de ‘ochsa aardige’ Gustav alles oan om foar te kommen dat Manny har sin krijt.
Wat de (krekt nije) foarsitter foar hat mei it museum lit er him net oer út, mar folle goeds stiet him net foar eagen.
As bliken docht dat Gustav en de foarsitter inoar kenne, komme de problemen fan Museum Auwerd yn in streamfersnelling terjochte.

Skeef

/in , /door

Heit Bokke en dochter Anna wenje tegearre. Mem is ferstoarn. Heit en dochter wurkje beide yn ’e soarch mei ferstânlik beheinde minsken.
Lykwols hat heit noch wurke ûnder de foargonger fan de “Wet zorg en dwang”(Wzd) en is dochter Anna oplaad doe’t dizze wet al ynfierd wie.
De Wzd, ynfierd op 1 jannewaris 2020, regelet de rjochten by ûnfrijwillige soarch of opname fan minsken mei in ferstanlike beheining of psychogeriatryske oandwaning, lykas demintens. It doel is om twang safolle mooglik foar te kommen en de kliïnt sintraal te stellen.
Heit en dochter ûnderfine de Wzd yn har útwurking lykwols ferskillend en dat liedt geregeld ta stevige diskusjes tusken har beiden.

De list

/in /door

Middenyn in ekologyske krisis dy’t derta laat hat dat alle regearingen fan ’e wrâld sawol frijwillige as ferplichte eutanasy oplein ha, as middel om de befolking ûnder kontrôle te hâlden, nûget de pensionearre talkshowhost Jacques Jorritsma syn fjouwer folwoeksen bern út foar in itentsje by him thús mei syn twadde frou, televyzjekok Diana Kas. Dy bern binne de kontroversjele polityk kommentator Jorrit Jorritsma, de yn opspraak rekke Rixt Jorritsma, CEO fan in faramseutyske firma, B-aktrise Aafke Jorritsma, de krekt ôfkickte Nanne Jorritsma, en Rixt har dochter Mare. De bern binne yn skok as Jacques ûnferwachts oankundiget dat hy en Diana har frijwillich opjûn hawwe foar it nasjonale eutanasyprogramma. Diana seit dat se it neigesetsje klearmeitsje sil, mar slûpt it hûs út, nei’t se in briefke efterlitten hat dêr’t se yn skriuwt dat se fan gedachten feroare is. Piebe Durkstra fan it Ministearje fan Boargersaken komt yntusken by it hûs fan de Jorritsma’s oan, yn it selskip fan wapene aginten Gurbe en Bonne. Dan fernimme de bern dat Jacques de eutanasy fan him en Diana pland hat foar dyselde jûn, sadat elkenien derby oanwêzich is. De bern binne yn skok as Jacques ûnferwachts oankundiget dat hy en Diana har frijwillich opjûn hawwe foar it nasjonale eutanasyprogramma. Diana seit dat se it neigesetsje klearmeitsje sil, mar slûpt it hûs út, nei’t se in briefke efterlitten hat dêr’t se yn skriuwt dat se fan gedachten feroare is. Piebe Durkstra fan it Ministearje fan Boargersaken komt yntusken by it hûs fan de Jorritsma’s oan, yn it selskip fan wapene aginten Gurbe en Bonne. Dan fernimme de bern dat Jacques de eutanasy fan him en Diana pland hat foar dyselde jûn, sadat elkenien derby oanwêzich is. No’t Diana ôfwêzich is, besiket Jacques de ôfspraak mei it Ministearje te fersetten. Dat giet lykwols samar net. Piebe herrinneret Jacques oan de annulearringsbetingsten. Dy hâlde yn dat de rekkenings fan ’e famylje beferzen wurde sille en dat Jacques publyklik ôfskildere wurde sil as in leffert en in ferrieder. Dat makket dat Jacques derfoar kiest dochs troch te setten mei de eutanasy. Nei syn dea skokt Piebe de famylje noch mear troch harren der op te wizen dat er wetlik ferplichte is om in twadde lichem mei te nimmen, lykas oarspronklik pland. Piebe nimt Mare, dy’t frijsteld is fan eutanasy omdat se minderjierrich is, mei nei syn mobile mortuarium, in soarte fan grutte camper, wylst de fjouwer Jorritsma’s twa oeren de tiid krije om te besluten wa fan harren neist Jacques noch mear stjerre moat.

Zoek!

/in /door

In hûn út in fier lân, in man dy’t yn ‘e war is,
in wurge heit mei in lilke dochter, twa blowende pubers,
in dakleas stel dat net langer dakleas is, twa minsken dy’t bang binne fan taal,
in echtpear dat net wit wat se dwaan moatte mei in erfenis en in prostituee dy’t djip tinkt…

Elkenien is sykjende, yn ZOEK!

It stik kin troch 1 man en 1 frou spile wurde, mar alle rollen kinne ek troch ferskillende personen spile wurde, dan yn totaal 12.

De Trochreed fan Richt

/in /door

De lêste betiizjende dagen fan de oarloch.

Minsken dy’t inoar treffe yn “De Jachtweide”. fan Richt. Fanatike Dútsers en in soldaat dy’t net mear wol.

Der is ferset tsjin de nazy’s, der is eangst foar wat noch komme kin.

In famke dat fereale rekket op in Dútser. In fersetsman dy’t besiket in piloat út hannen fan de besetter te hâlden. De lêtste wanhoopsdieden fan in fersleine fijân. Moed, mar ek leffens fan gewoane minsken yn in lyts doarp

Ynspekteur Jansma

/in /door

As Hessel Jansma fan ’e plysjeskoalle komt, falt it al gau op dat er in grut ferstân hat en hiel betûft is yn it oplossen fan moardsaken. Al gau wurdt er, as jongste ea, befoardere ta ynspekteur. Der is gjin saak sa kompleks of hy lost him wol op. En sa wurdt Hessel de stjer fan it plysjekorps. Hy wurdt útnoege foar talkshows, eltsenien wol syn miening witte. Bern wurde nei him ferneamd en Hessel sliept, as er dat wol, gjin nacht allinnich. Tsien jier lang libbet Hessel Jansma op de top fan syn kinnen, dan ynienen, dêr is se, Brechje. Alle mannen falle foar Brechje, mar Brechje kiest foar Hessel. Twa jier lang libje se op in gouden wolk, mar dan ynienen is it oars. Brechje is oars, minder tagonklik, en Hessel tinkt dat se in oar hat. Op in jûn freget er har, mar se wol neat sizze; do moast my fertrouwe, seit se. Hessel wurdt lilk en jout har in huf, it bloed spat by de muorre op. Sy flechtet it hûs út. Hessel wol sa net, hy hat spyt, en fljocht har efternei, troch it bosk en dan lâns it kanaal. In eintsje foar him sjocht er har yn it donker draven; hy begjint har yn te heljen. Mar dan ynienen stroffelt se en ferdwynt yn it donkere wetter fan it kanaal. Hessel springt har efternei, mar hy kin har net fine. Oerenlang plasket er dêr om, mar se is der net mear. Hessel swalke dernei dagen by it kanaal lâns om har lichem te finen, mar neat. Hy hat har de dea yn jage. De jierren dernei rekket Hessel oan ’e drank. Hy dronk altyd gâns bier, mar no is de hikke fan ’e daam. Hy lost noch hieltyd syn saken op, mar de kollega’s begjinne te klaaien en úteinlik moat de lieding in foarbyld stelle, en dus skoppe se hem it korps út. Mar dan… wurdt syn broer Jasper dea fûn yn syn eigen bad, selsmoard seit de plysje… Mar is dat wol sa?

It Drugslab

/in , /door

Yn it oars sa rêstige doarp Nijwâld wurde pillen fûn yn it húske fan kafee ‘De Halte’. Is de jonge gast Sven, dy’t se ferlern hat, in drugskoerier en binne de man en de frou dy’t op syk binne nei Sven, Brabânske kriminelen? Barrelt, in fêste stamgast, hat heard dat der in drugslab yn Nijwâld is. It wurdt ferfelend foar kroechbaas Bauke en syn frou Sibbeliene wannear’t de plysje it húske ôfslút foar technysk ûndersyk. Wêr moatte de minsken fan ’e fytsgroep, dy’t hast komme foar in flaubyt, no nei’t húske? Oan it ein fan ’e moarn blykt alles dochs oars te wêzen as eltsenien tocht hie.

De prinses en de wite wolf

/in , /door

Der wie ris in prinseske dy troch in belofte fan har heit mei in wite wolf mei moast. It wie in bysûndere wite wolf mei in geheim.                Troch in betsjoening is er oerdeis in wolf en jûns in prins. It prinseske ferklapt it geheim en de wite wolf ferdwynt omdat er no foar altyd in wolf bliuwe moat. Mar se hâld fan de wite wolf en beslút him te sykjen. Dagenlang rint se troch it bosk, komt se ferskate persoanen tsjin dy’t har helpe om de wite wolf te finen. As se him úteinlik fûn hat, is it te let. Troch in spreuk fan de trollekening sil er mei in trolleprinses trouwe, kin er har net mear en wit er net mear wa’t er sels is. Soe hy wer in jonge prins wurde en bliuwe se far ivich by inoar? En kinne je ek kieze wat je wêze wolle?
Dit stik liket op “Belle en it bist” mar dan oars. De personaazjes kinne troch jonges en famkes spile wurde. De tekst kin dan oanpast wurde. Kening wurdt dan keninginne, bygelyks. Ek kin in jonge in prinses/fee spylje of in famke in kening/prins. In prins(es) kin trouwe mei in oare prins(es), ensfh. De winsk om in wolf te wêzen is eigentlik in winsk om te wêzen wa atst wêze wolst. En sa kinst ek kieze foar dyn rol yn dit stik.

Maat 39,5

/in /door

Lotty is filiaalmanager fan in eksklusive skuonwinkel. Sneons krijt sy help fan de sjarmante Sander en trochtaastende Emma.                     Neist de opdracht om de ferkeapsifers heech te hâlden, krijt se ek de taak fan de direksje om ta de boaiem út te sykjen hoe’t it kin dat der alle sneonen 50 euro kasferskil is. As ien fan de sneonshelpen in skuondoaze fol mei briefkes fan 50 ûntdutsen, is it riedsel folslein.                  Underlinge ferhâldingen komme ûnder druk te stean en it betrouwen is fier te sykjen. Want wa soe it ferstoppe hawwe? Mei hokker doel?    De beide studinten Sander en Emma kinne mei in lytse oanpassing ek troch âldere minsken spile wurde.

Jel en Mel

/in , , /door

Dizze ienakter giet oer Jelle en Melanie. It stel komt út in lyts doarpke yn Fryslân en is in wykeintsje mei de kano op stap. It liket prachtich waar te wurden. Jelle en Melanie binne al in skoftke tegearre en fan doel in hûs te keapjen. Mar wat is dan ferstannich?

In gearlibbingskontrakt of dochs trouwe? Se wolle it wykein brûke om alles ris rêstich op in rychje te setten. Mar in appende mem (wurksum yn’e geastlike sûnenssoarch) dy’t op fakânsje is yn Egypte soarget foar betizing – hokker geheimen komme oan it ljocht ûnder it moarnsiten?

De Beam

/in , /door

Om in rûnwei oan te lizzen om it doarp Wytsum moat in âlde beam kapt wurde.
Extinction Rebellion Fryslân wol in aksje organisearje om de beam te rêden.
Ek Sjoerd, dy’t wennet op de pleats dêr’t de beam by heart, wol de plannen tsjinhâlde, en lit him mei aktiviste Vlinder fêstbine om de beam. Syn heit kin net wachtsje oant de beam om giet en is poer as er sjocht dat syn eigen soan syn plan tsjinhâldt.
Mar wêrom is syn heit sa foar it plan? En kin pake Willem helpe?

 

Beam_koart

De Boartersboks fan Doarpsbelang

/in /door

De âlden fan Klaske, Jan, Top, Ale, Aise, Martsje, Pyter en Seike hawwe mei-inoar besluten dat harren bern mar twa oeren deis de mobyl brûke meie. Se moatte boartsje en se moatte lêze, net al mar nei it skermke sjen.

Alle bern fine dat in dom beslút. En it komt krekt no’t se in dei frij binne fan skoalle. Se witte wier net wat se sûnder mobyltsje moatte. Gelokkich soarget Sjoerd, in jonge dy’t noch mar koart by harren op skoalle sit, foar de oplossing. Hy stelt út om mei-inoar Napoleon, de grutte Frânske keizer, te spyljen. It liket harren earst mar neat ta, mar as elk in rol kriget en se harren ferklaaie mei klean út de boartersboks, ha se och sa’n wille.

Oan ‘e ein docht bliken dat de wille foar de heiten en memmen minder grut is.

It stik kin gewoan spile wurde, mar it kin ek as mymspul opfierd wurde by it foarlêsferhaal dat taheakke is.

OP IT TOANIEL

In hiele grutte kiste mei boartersark en ferklaaiersklean, en in skerm mei de foarstelling fan in peal – kin oprôle wurde.

Keunst (mei raffelrantsjes)

/in , /door

It atelier/museum Foarby de kime hat fernisaazje en eigener Ella is drok dwaande mei it tarieden fan har iepeningstaspraak. Map, har assistint, hat har betinkingen oer oft dizze tentoanstelling in sukses wurde sil. Dan komt der in besiker dy’t wol hiel bot ynteressearre is yn it keunstwurk…

Fûgels om ‘e toer

/in , , /door

Dit stik kinne selskippen fergees, dus sûnder ôfdracht fan auteursrjochtenjild opfiere!!!
Dit stik is no allinnich noch digitaal te bestellen. Nim fia de mail kontakt mei ús op.

Paradysfûgels is in toanielstik dat him ôfspilet yn de Fûgeltsjedwersstrjitte, in strjitte dêr’t de meast kleurrike personaazjes wenje! Sa hawwe wy de susters Duyff dy ’t út ‘e stêd komme en gjin foet fersette sûnder inoar. En Protr de miljeu-aktivist dy’t út miljeu-oerwagings dwaande is om syn húske wer bûten te pleatsen en de opbringst te kompostearjen foar syn grientetún. En ek Pake Kraai dy’t tige ferjitlik wurdt, mar wol alle nûmers fan Elvis út ‘e holle wit. Mar de haadpersoan is Merel, dy’t in fantastysk idee betinkt om mear minsken nei harren doarp te lûken. De heechste toer fan Nederlân! Elkenien is entûsjast en wol meiwurkje. Spitigernôch smyt de dochter fan Pake Kraai roet yn it iten: Pake is sa ferjitlik dat er nei in fersoargingshûs moat. Mar dat kin Merel net gebeure litte. Pake moat bliuwe, want de ynwenners fan de Fûgeltsjedwersstrjitte binne hast as famylje en in pake kin dêr net mist wurde… Der wurdt besletten dat pake de iepeningsact fan de toer fersoargje mei, as Elvis-imitator. Oant dy tiid mei er fan syn dochter noch yn syn hûs wenjen bliuwe. Mar wat bart der as de toer klear is en de iepening west hat?

De beuk deryn

/in , /door

Dit stik kinne selskippen fergees, dus sûnder ôfdracht fan auteursrjochtenjild opfiere!!!
Dit stik is no allinnich noch digitaal te bestellen. Nim fia de mail kontakt mei ús op.

As kroechbaas Henkie ûnferwacht stjert oan in hertoanfal stjit it libben fan barfrou Geartsje op’e kop. Henkie’s flamboyante soan Johan dy’t in ferneamde drag queen is, komt werom út Amsterdam om syn erfenis, de kroech, te ferkeapjen. De dochter fan Geartsje besiket har mem tegearre mei de stamgasten te stypjen, tagelyk bringt de komst fan Johan ek de noadige en wolkomme beweging yn harren libben. Mar der is mear oan de hân. Geartsje har libben wurdt opnij op ’e kop set as in djip bedobbe geheimen oan it ljocht komme. Meisleepjende nûmers út’e jierren tachtich dy’t fol oerjefte playbackt wurde en kroech hits bringe dizze twa op it earste each fier út elkoar lizzende wrâlden op entertainende wize by elkoar.

 

 

Drama yn Lutjelollum

/in /door

Dit stik kinne selskippen fergees, dus sûnder ôfdracht fan auteursrjochtenjild opfiere!!!
Dit stik is no allinnich noch digitaal te bestellen. Nim fia de mail kontakt mei ús op.


Op in jûn yn novimber 1960 komt in Republic F84F Thunderstreak fan ‘e Koninklijke Landmacht del op in pleatske yn it buorskip Lytse Lollum, healwei Frjentsjer en Wjelsryp. Boer en boerinne Postma en har fjouwer bern komme te ferstjerren, lykas de jonge piloat Jacques Snijders. Yn ‘e notiid spilet Toanielferiening De Takomst it nije stik “Drama yn Lutjelollum”, dat ús meinimt nei dy jûn yn 1960. We sjogge sân amateurspilers en harren regisseur yn en om ‘e rippetysje hinne. Foar it skoft bringe se de lêste oeren fan ‘e famylje Postma ta libben. Krekt foar it skoft komt de strieljager mei piloat Jacques Snijders op de pleats del- en nei it skoft binne de sân personaazjes dy’t de spilers fan De Takomst foar ús delsette, dea… In stik mei it boadskip “dat it yn ien klap oer wêze kin”… wat docht dat mei de spilers? Bist op toaniel wier in oar? Of kinst, hoe graach as’t dyn libben ek libje wolst “alsof”, noait wat oars wêze as dysels? En dat ien fan ‘e spilers de premjêre net hellet, wylst de oaren just in nije draai oan har deistich libben jaan sille – stie dat yn it skript?

Tusken East en West

/in , , /door

Dit stik kinne selskippen fergees, dus sûnder ôfdracht fan auteursrjochtenjild opfiere!!!
Dit stik is no allinnich noch digitaal te bestellen. Nim fia de mail kontakt mei ús op.
John en Lucy Jones binne hikke en tein yn de wyk East End yn it eastlik part fan Londen. It gedielte dat fan âldsher bekind stiet as in typyske arbeiderswyk. Sy liede in ienfâlsich mar lokkich libben, dat yn haadsaak bestiet út hurd wurkje. Freeds geane se lykwols nei pub “The Bell”, dêr’t se alle wiken harren freonen moetsje. Alles feroaret as Lucy it hûs fan har rike “aunty”Adèle ervet yn West End, de wyk wêr’t de saneamde “úpperclass”wennet. Harren freonen reagearre ferbjustere op it nijs. Wat hawwe John en Lucy dêr te sykjen? Sy hearre yn East End. Sy sille dea-ûngelokkich wurde, tinke se. Lucy past har lykwols – ûnder ynfloed fan buorfrou Hilary Hemrose- al hiel gau oan. Wylst Lucy genietet fan alle nije dingen dy’t der op har paad komme, bliuwt John trou oan de gewoantes fan de East Enders. Hy wegeret him oan te passen oan “dy kakker”seit er faak tsjin Lucy. Uteinlik begjinne de ferskillen tusken East en West ek troch te wurkjen yn harren relaasje. Oft in houlik fan mear as fiifentweintich jier hjir tsjin opwoeksen is, is te sjen yn dizze komeedzje yn twa bedriuwen.