ien – Pagina 4

De nije klaaister fan de keizer

De jonge keizer Narcissus genietet fan syn macht. Om dy út te strjieljen, draacht er alle dagen nije klean, makke troch de knapste kleanmakkers fan it lân. De keizer tinkt ek oan trouwen en hat de Prinsesse van Neistebylân op it each as syn takomstige frou. Dy wol earst wolris sjen wat foar man dy Narcissus is en hat dêrom as Harmke in baantsje as begjinnend klaaister op it paleis oannommen. Narcissus fynt yn de tuskentiid alle klean saai. Dissonante freget dan twa man om foar Sjineeske kleanmakkers te spyljen: Ping en Pong. Dy beweare dat se wrâldferneamd binne omdat se in spesjale tried meitsje kinne wêr’t prachtige klean fan weefd wurde kinne.
Harmke hat wol troch dat it trochstutsen kaart is en besiket de keizer te warskôgjen, mar dy wol it net leauwe.
Harmke wurdt ûntslein en giet wer nei har eigen lân.De keizer lûkt foar de parade de tige tinne en lichte klean oan, mar dan flapt ien der út dat de keizer yn syn ûnderguod rint. De minsken wurde opsternaat, dissonante wol de keizer dan ôfsette, mar Harmke jout gau har mantel oan de keizer en wit it folk del te bêdzjen troch te sizzen: “De keizer is allinne mar in bytsje dom west”.

Bedgeheimen

23 december 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Mast, Joop HEYDEN, Haye van der blijspul ien 2010 Jûnfoljend /door Stuft

Otto en Francien komme mei inoar yn’ e kunde fia ynternet en dat klikt daliks. Mar harren oare helten besoademiterje, dat wolle se net. Soks dogge jo net, dus it soe eins hiel goed útkomme as Jaap en Plien inoar ek leuk fine. Soe soks net te regeljen wêze? Om te begjinnen wurdt der in itentsje op tou set. Yn de tuskentiid siket Tim, de soan fan Francien en Jaap, nei syn earste leafde, wylst Sophie, dochter fan Otto en Plien krekt besiket dy leafde te ûntrinnen. en dy twa komme elkoar fansels ek tsjin…

Skeind

23 december 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Jorna, Siep PIJPERS, Hans monolooch ien 2010 Ienakter /door Stuft

Yn de santiger jierren rekket Iris as se 16 jier is troch ferfelende omstannichheden yn in kleaster en wurdt siik. As se nei in skoft har depresje oerwûn hat beslút se om non te wurden.
Letter, jierren letter, nimt se de beslissing om der út te stappen. Se begjint in nij libben en reizget troch it hiele lân. Fan east nei west, fan noard nei súd. Wat har dwaande hâldt? ‘ Dat giet nimmen wat oan’, seit se. ‘ Want ik praat mei gjin minske’.

Dizze frou is jo man

23 december 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Stavinga, Baukje TOL, Jan blijspul ien 2010 Jûnfoljend /door Stuft

Annie Zuiderhorn, dy’t jierrenlang allinne mei har dochter wenne hat, is hals oer kop fereale wurden op Pierre Reijnders. Se is him tsjin it liif rûn op in kamping. Al hiel gau is Pierre by Annie ynlutsen en hy wennet no al trije moanne by har thús. Dochter Amanda moat neat fan Pierre ha en de sosjale tsjinst mei neat fan Pierre witte. Oars komme de útkearingen fan Annie en Amanda yn gefaar. Dus kinne de buorlju it ek mar better net witte.
Tsjin harren is sein, dat Pierre de broer fan Annie is, dy’t wat yn de lapekoer sit troch in sykte dy’t er oprûn hat yn de tropen. Net ien wit dat Pierre al mei in oare frou troud is. As der kontrôle fan de sosjale tsjinst komt, is elkenien wol ferplichte om de kontroleur foar de kroade te riden. Sels Amanda!

Daan en Doris en Dik en Debbie

23 december 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Brouwer, Meintsje HEYDEN, Haye van der blijspul ien 2010 Ienakter /door Stuft

Daan en Doris en Dik en Debbie binne hieltyd oare minsken. It dekor wikselet hieltyd troch by elke skets in inkeld objekt te feroarjen dat it plak of it miljeu oanjout.

Thús

13 juli 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. VRIES, Wimpy de blijspul ien, keuken 2010 2010 Ienakter /door Stuft

Bareld fertelt op humoristyske wize oer syn libben as húsman en oer syn frou Jantsje, dy’t harsels Jeanice neamt, sûnt se in baan hat.
Wat is se feroare. Doe’t Bareld noch yn’ e bou siet gie er gauris te fiskjen mei syn maat Piter.
As dy him freget om wer ris mei te gean, seit Bareld dit ta. Mar wat sil Jeanice hjir fan sizze/

Skik ris wat op ju!

29 juni 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Dijkstra, Gerrit CHAPMAN, John en Ray Cooney blijspul appartemint, ien 2010 Jûnfoljend /door Stuft

Freerk hat mei syn kompanjon Henk in útjouwerij yn berneboekjes. Freerk en Jo sille nei in diner foar útjouwers. Henk is in frouljusgek. Hy hat in ôfspraak makke mei juffrou Warnink en tinkt dat hy dan wol mei har terjochte kin yn it appartemint fan de famylje Vos. Linda hat Henk al in setsje troch en wol him in hak sette.
Sy noeget Wouter út en wol mei him in noflike jûn ha yn itselde appartemint.
Dan is Arend der noch, dy’t wat mei Sylvia hat en ek gebrûk meitsje wol fan deselde romte. As Olijfje Smid op it toaniel komt, rint alles oars as elkenien graach wollen hie.

Skik ris wat op ju!

26 juni 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Dijkstra, Gerrit COONEY, Ray en John Chapman blijspul appartemint, ien 2010 Jûnfoljend /door Stuft

Freerk hat mei syn kompanjon Henk in útjouwerij yn berneboekjes. Freerk en Jo sille nei in diner foar útjouwers. Henk is in frouljusgek. Hy hat in ôfspraak makke mei juffrou Warnink en tinkt dat hy dan wol mei har terjochte kin yn it appartemint fan de famylje Vos. Linda hat Henk al in setsje troch en wol him in hak sette.
Sy noeget Wouter út en wol mei him in noflike jûn ha yn itselde appartemint.
Dan is Arend der noch, dy’t wat mei Sylvia hat en ek gebrûk meitsje wol fan deselde romte. As Olijfje Smid op it toaniel komt, rint alles oars as elkenien graach wollen hie.

Praatsjes

16 juni 2010/in folwoeksenentoaniel Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje. Dijkstra, Gurbe SIMON, Neil klucht ien 2011 Jûnfoljend /door Stuft

Fjouwer stellen binne útnoege op it tsienjierrich houliksfeest fan harren freonen, de loko-boargemaster fan New York en syn frou Myra. It feest giet net troch want de jubilaris hat himsels foar de kop sketten (it is mar in lichte ferwûning oan it ear) en syn frou wurdt fermist. Syn advokaat beslút dat it net ferstannich is om de saak útlekke te litten (hoewol’t er gjin idee hat wat er him no eins werklik ôfspile hat) en de iene leagen lokket de oare út. De saak wurdt hieltyd yngewikkelder mei dat der mear gasten komme. Op it lêst wit gjin ien mear wa’t by wa no wat ferhaal op’ e mouwe spjelde hat en wêrom. It falt te begripen dat de gasten op it ein fan de jûn in bytsje trochdraaid binne.

Sûzen

24 februari 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Stavinga, Baukje INGRISCH, Lotte tragi-komeedzje ien, tsjerkhôf 2010 Ienakter /door Stuft

In frou en in man moetsje inoar op in tsjerkhôf. Sy is in hiele ‘ frjemde’ frou. Hy is in widner, dy’t geregeld it grêf fan syn frou besiket. Syn begrutsjen mei de frou bringt him yn in lestige situaasje.

De Tredde helte

24 februari 2010/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. VRIES, Sietse de blijspul ien 2010 Jûnfoljend /door Stuft

De Ljouwerter PvdA-wethâlder Kees krijt fan syn partijgenoaten te hearren dat er nei de ferkiezingen net werom komme kin. De partij hat ferlet fan farsk bloed. Hy makket in goede kâns om boargemaster fan It Bildt te wurden, mar der binne twivels oer syn affiniteit mei it plattelân. As se him op syn bertedoarp De Ryp freegje om by it 75-jierrige jubileum fan de fuotbalferiening in stânbyld te ûntbleatsjen, is dat syn kâns om foar it each fan Omrop Fryslân – foar it programma ‘ De reuny’ – te bewizen dat er in jonge fan it plattelân is. Foarôfgeand oan it jubileum moetsje Kees en syn frou An – ek in âld-Rypster – fjouwer leeftydsgenoaten op in reuny. Mei de trije jonges siet Kees krapoan fjirtich jier earder yn it tige suksesfolle C-alvetal.

Rein de foks

26 december 2009/in bernetoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. SIEBENGA, Siebe mearke ien, yn it bosk 2009 Ienakter /door Stuft

Rein de foks moat by it hof komme fan kening Nobel. Hy moat berjochte wurde. Mar hy is de bisten dy’t him ophelje moatte, hieltyd te snoad ôf. Hy soarget der foar dat dy bisten allegearre wat slims oerkomt en wit it dan sa te fertellen dat it har eigen skuld is. As er dan by eintsjebeslút dochs hingje moat, wit er him dêr ek wer ûnderút te praten.

It pleintsje

26 december 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Sevenster, Simy GOLDONI, Carlo blijspul ien 2009 Jûnfoljend /door Stuft

It stik spilet him ôf om karnaval hinne. Op it pleintsje wenje in stik as wat earme froulju, dy’t widdo binne en dy’t harren bern úthoulikje wolle, om dan sels wer trouwe te kinnen. Under elkoar dogge se oars net as rabje, rûzje meitsje en fjochtsje, mar tsjinoer bûtensteanders gedrage se harren bûtengewoan solidêr.
Dat ûnderfine de rike Fabrizio en syn nichtsje dy’t op it pleintsje wenje en de Cavaliere dy’t der karnaval fiere sil. It hat allegearre in goed ein mei in stik as wat houliken en in feest. In echte yntrige is der net, mear in bûnte en fleurige oanienskeakeling fan raak sketste tafrielen

De mem fan David S

27 november 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Stavinga, Baukje KEULS, Yvonne drama ien 2009 Jûnfoljend /door Stuft

Yn ‘ de mem fan David S’ beskriuwt Yvonne Keuls in tal jierren fan in húshâlding, wêrfan de âldste soan David oan de drugs ferslaafd is. De húshâlding rekket folslein ûntheistere, mar de mem wegert de jonge los te litten. Se sjocht him ôfgliden nei hieltyd swierdere drugs. Tegearre mei har man en dochter besiket se der alles oan te dwaan om it bern wer op it rjochte paad te krijen. Mar úteinlik beseft se, wol se wer in normaal libben ha, dat se ôfstân nimme moat fan it probleem. De grutte fraach is dan ek oft dit har slagget..

Wachtsje op Elsbeth

5 oktober 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. van der Wal-ten Heuvel, Jikkemien VRIENS, Jacques tragi-komeedzje ien 2009 Ienakter /door Stuft

Yn in ienfâldich fakânsjehúske komme trije susters by elkoar om de fyftichste jierdei fan de âldste suster te fieren. Katja hat der hielendal gjin nocht oan (it liket wol in kringloopwinkel) , foaral omdat har houlik mei Simon ôfrint.
De oerpositive Renate (wat in alderaardichst húske) besiket mei har man om it doch noch gesellich te meitsjen. It is allinne wat lestich om feest te fieren as dyjinge dy’t har jierdei hat, op har wachtsje lit. Te mear omdat dy foar alles soargje soe. De ûnderlinge irritaasjes nimme ta en as Elsbeth dan einliks ferskynt, moat elk tige syn bêst dwaan om der doch noch in leuk wykeintsje fan te meitsjen. De susters binne út elkoar groeid en âld sear komt boppe. Ek de sweagers hawwe, sa docht bliken, ûnferwachte kanten

Befrijing

5 oktober 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. VISSER, Wytske tragi-komeedzje ien 2009 Ienakter /door Stuft

Mem ferhuzet nei in âldereinflat. Op in tal doazen en meubels nei is se teplak. De ‘ kringloop’ sil it lêste guod ophelje en der is noch wat lytsguod dat skift wurde moat. Mem en har beide bern sille dat yn ôfwachtsjen fan de ‘ kringloop-manlju’ dwaan. Dan fynt de dochter in brief, dy’t mem nea ferstjoerd hat en dy’t te krijen hat mei mem har hâlden en dragen yn de oarloch. Der blykt noch in soan te wêzen. Dit stik, dat poer geskikt is om sa rûn de betinkings-en befrijingsdagen fan begjin maaie spile te wurden, beljochtet de kant fan de minsken dy’t yn de oarloch foar Dútslân keazen.

Friens of de Filippijnen

1 oktober 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. POPMA, Froukje blijspul ien 2009 2009 Ienakter /door Stuft

In ploechje minsken hat in reis nei de Filipijnen boekt by reisburo SNEL WEG. Se moetsje elkoar op in sammelplak yn Friens om mei de sjauffeur en de reisleidster yn ‘e kunde te kommen.
It is feest yn Friens en men soe sizze dat de fakânsjegongers ek in feurich sin hawwe. Mar dat jildt net foar allegear.
Dêr hast bygelyks Ingrid, dy ’t leafdesfertriet hat, of is der wat oars. Cilia, har mem, sit wakker oer har opstannige dochter yn.
Dan is der noch Marie, dy ’t swier hat mei har ynbylde kwaaltsjes, en Popke, dy ’t troch syn bazige frou op ‘e kop sitten wurdt.
Desiree mei har marmotsjes net meinimme yn de bus, dus wêr moat se dêr sa gau mei hinne.
As it selskip dan einliks sa fier is dat se fuort kinne, bart der wat slims.

It feestje

30 juni 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Renia, Piter BENFIELD, Derek blijspul ien 2009 Ienakter /door Stuft

In licht, geastich blijspul oer twa minsken, dy’t fan inoar hâlde, mar de man soe wat mear moed en inisjatyf toane moatte. As der op’ e saak in fakatuere frijkomt en dit him de gelegenheid jout om wat mear sjen te litten, beslute se om in feestje te hâlden as earste stap nei syn promoasje.
Dat feestje wurdt in teloarstelling en in ferromming tagelyk.

En doe waard it Kryst

16 juni 2009/in bernetoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. NIJHOLT-HOEKSTRA, Geartsje muzykteater boargemasterswente, doarpsplein, ien, park 2009 Jûnfoljend /door Stuft

Korry is in swalkster en wennet yn in kontener. Se hat in moai plakje by de boargemaster op it hiem. Mar at de boargemaster in dei fuort giet, lit syn frou Korry fan it hiem ôfstjoere troch Hindrik, de gemeente-opsichter. Wêr moat Korry hinne, krekt foar de Krystdagen? Lokkich wit Hindrik in goed plakje.
Hy bringt har mei kontener en al nei it park. Dêr moetet Korry har freonen en se belibje dêr mei inoar hiele bysûndere Krystdagen

Famylje Postma oan de Costa

21 maart 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Burgy, Anneke GOMBOLD, Bernd blijspul ien 2009 Jûnfoljend /door Stuft

Famylje Postma komt al foar de 20e kear op fakânsje oan de Spaanske Costa. Heit is in wiisprater dy’t it altyd better wit, mem lit alles mar wat oer har hinne gean en dan is der harren dochter dy’t in stikeme relaasje hat mei de eigner fan it hotel. Dizze kear is pake ek mei. In oare famylje, dy’t der ek delstrutsen is, is fan folle eksklúsivere ôfkomst. In nochal dikke frou mei in protte kâlde kak, in weiten hin fan in man en in soan ‘wêr’t ek net folle by sit. Dit moat fansels útrinne op in konfrontaasje tusken de famyljes. Foaral as de wat asosjale heit ûntdekt, dat de oare famylje stjonkend ryk is en dat se harren soan oan de dochter fan him koppelje wolle.