Hoekstra, Tineke

Finzene ûntsnapt

It is 24 desimber, de dei foar kryst. Fernand De Bleeckere is de direkteur fan de finzenis fan in lytse, provinsjale finzenisynstelling.
Hy is in korrekte en yntelliginte, mar ek in bytsje in naïve en in net selsfersekere man fan middelbere leeftiid.
Tegearre mei syn dominante frou Greta wennet er yn de lytse, mar komfortabele tsjinstwenning fan it finzeniskompleks.
Omdat er syn finzenis sa goed wit te bestjoeren en omdat der noch nea immen yn slagge is om te ûntsnappen, is Fernand foardroegen foar promoasje.
Dêrby heart ek oerpleatsing nei in gruttere ynstelling.
Greta, dy’t in ferhâlding hat mei Eugène Bauwens, de haadsipier, sjocht in oerpleatsing krekt fanwege dy relaasje yn earste ynstânsje fuortdalik net sa sitten, likemin as Eugène.
De lêste details fan de oerpleatsing moatte lykwols hjoed regele wurde en dêrom komt Herman Simonis, in hege amtner fan it ‘Bestjoer foar it Finzeniswêzen’ op besite. Yn ’e rin fan ’e dei sille ek Betty Dochez, de sus fan Greta en har nije freon Theo Lieten arrivearje om mei Fernand en Greta krystjûn te fieren.
Nadia, de iennichste dochter fan Fernand en Greta dy’t al jierren yn Amearika wennet, sil op dizze dei ûnferwachts del komme.
Mar krekt hjoed is Bert Verelst, in lytse oplichter dy’t sûnder in earlik proses feroardiele is, deryn slagge om te ûntsnappen.

Ik kom oan

12 april 2024/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke Boelens Ineke drama Respsje yn gemeentehûs en gersfjild by in konferinsjeoard 2023 2024 49 siden /door Ynfo@stuft

De ferhaalline folget it earste jier yn Nederlân fan de famylje Varga, dy’t fan Hongarije nei Nederlân giet om dêr in nij libben op te bouwen. In ferslachjouwer/presintator docht dit troch alle ôfleveringen oanelkoar te praten. It foardiel fan sa’n ferteller is dat we maklik fan de iene sêne nei de oare gean kinne. We kinne wat flugger troch de tiid sûnder tefolle yn detail te gean. As reade tried en komyske noat komt de klachteline nei de gemeente der tuskentroch. De telefoan giet, de gemeente nimt op en in ynwenner wol in klacht melde. De famylje Varga hat in tragysk foarfal meimakke, de bern hawwe harren heit en mem in jier lyn ferlern en wenje no mei harren pake en beppe (dy’t trouwens net tarekkenber binne) yn 1 hûs yn Hongarije. Yn Hongarije komme de dreamen fan de jongste dochter mar net fan ’e grûn. Mar sy hat sa’n 3 moanne lyn Annemarie Bongers moete. Dy hat har de eagen iepene en neamt Nederlân it lân fan har dreamen. Dêr soe har idee foar in Tiny Houses Projekt slagje moatte. Yn Hongarije is de fraach nei Tiny Houses mar lyts, mar yn Nederlân dêrfoaroer is der grut ferlet fan wenningen en de romte beheind. In ideaal lân foar in makeler om kavels te ferkeapjen foar Tiny Houses.

Foarsichtich mei de leafde

1 september 2020/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke AKKERMANS, Theo blijspul wenkeamer 2020 2020 71 siden, Jûnfoljend /door Ynfo@stuft

De suskes Overbeek wenje noch mar krekt op harsels. It binne weesbern. Tante Marjan hat altyd foar har soarge, en tinkt dat it no tiid is foar in eigen libben.

Mar se seit: ‘Foarsichtich mei de leafde’. De fatsoenlike famkes dogge dat ek, mar tante Marjan liket har dêr sels net altyd oan te hâlden.

Dat fine de famkes nochal frjemd: Se komme der sels achter dat tante twa lat-relaasjes tagelyk hat!

Omke Dries, in handige putsjeman komt geregeld del, tegearre mei syn hertsfreondinne Grada, dy’t seker net fiis is fan in feestje en in drankje.

Mar eins is tante Marjan al stikem fereale op omke Dries. Dit gegeven is it begjin fan betizingen en komyske situaasjes. Gelokkich… komt alles wer op ‘e poaten teloane.

Stijn hat flinters yn ‘e bûk

6 maart 2017/in jongereintoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke HOEDEMAEKERS, Luuk tema-stik 2016 Ienakter /door Stuft

Stijn en Ine binne fereale. Stijn fielt him eins net sa lekker en kriget spul mei Ine. Yn it sikehûs komme se derachter dat er diabetes hat. Stijn skammet him hjir foar en fertelt dit allinnich oan syn freon Bart.
Werner dy’t ek by Stijn yn ‘e klasse sit, sjocht dat Stijn ynsuline ynspuitet en hy fertelt de klasselearaar dat Stijn drugs brûkt.
As Stijn dan ek noch in kear in hypo kriget, wurdt alles oer diabetes noch in kear goed útlein yn it sikehûs. Stijn en Ine prate it út en hawwe gjin rûzje mear.

In Poalske breid?

21 augustus 2016/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke BOUDESTEIN, Rob 2016 Ienakter /door Stuft

Albert is sûnt in tal jierren widner. Tiid foar in nije partner fynt er sels. Op de dei fan syn jierdei, wol er dit beprate mei soan Harm en dochter Jetty. Troch wat better te harkjen en wat minder fantefoaren in eigen miening te foarmjen, hie dit stik flink wat koarter west. Mar ek minder fermaaklik.

De trein nei San Antonio

21 augustus 2016/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke FONTAINE, Ton absurd toaniel 2016 Jûnfoljend /door Stuft

It spilet op in stasjontsje yn it Wylde Westen. Mei in stasjonssjef, dy’t seker net gek is, in Meksikaan; Miss Lola dy’t tippelet; in sheriff dy’t Tom Dooley, dy’t hinge moat om ’t er syn frou fermoarde hat, nei San Antonio bringe moat; in mysterieuze bandyt, in can-candûnseres, in medisynman, in dranksuchtige non, in dochter fan haadman Sliepende Okse en in famkesachtige jonge frou.
Hast allegear ha se in stikje fan in skatkaart en se besykje de stikjes fan de oaren ôf te pakken.

De Krintekakker

9 juli 2015/in folwoeksenentoaniel Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje. Hoekstra, Tineke MOLIERE, Jean-Baptiste iepenloftspul 1668 Jûnfoljend /door Stuft

Jild stiet foar macht. Dat is fan alle tiden. We wolle ryk en suksesfol wêze. We wolle de nijste telefoan dy’t alles kin, de hippe merkbroek, moaie bûntkraach. We wolle op stap, út iten en in laptop, leafst in Apple.
De frek Harpagon is deun en materialistysk. De iennichste leafde dy’t hy fielt is syn leafde foar jild. Leafde foar minsklik kontakt kin hy net. Yn de Krintekakker sjogge we Harpagon ryk en suksesfol mar hy einiget yn iensumens. De Krintekakker is in klassike karakterkomeedzje yn in modern jaske. Learsum en fermaaklik.

Helpferliening

3 mei 2015/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke Barnard Pip 2015 Ienakter /door Stuft

Keunstner Henk van Riebeek wol graach in grutte opdracht bemachtigje en hat alles der foar oer om yn de geunst te kommen by de opdrachtjouwer Rudolf Karsemeijer. Sekretaresse Marjolein regelet in ôfspraak, der’t Henk syn freondinne Annet ek by wêze sil. Mar hokker rol spilet Annet? Wa helpt wa om te soargjen dat Henk dizze opdracht kriget?

Peer Gynt

3 maart 2015/in folwoeksenentoaniel Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje. Hoekstra, Tineke IBSEN, Henrik trageedzje 1867 2012 Jûnfoljend /door Stuft

Peer Gynt is it ferhaal fan de doarpsjonge, dy’t bekend stiet as in fantast, dy’t ek noch graach lige mei. Op de brulloft fan syn freon Mads Moen wiist de moaie Solveigh him ôf as er freget oft sy mei him dûnsje wol. Ut frustraasje en stomdronken skaakt er de jonge breid Ingrid en giet mei har de bosken yn. Peer ferlit har algau wer, omdat hy Solveigh net ferjitte kin. Fanwege dizze ûntfiering wurdt er ferballe út it doarp en begjint te swalkjen. Hy libbet leaver yn in fantasijwrâld as dat er de ferantwurdlikheid foar it libben oan gean wol. Solveigh komt wer yn syn libben, mar foardat sy tegearre it gelok fine, wurdt Peer konfrontearre mei syn ferline. Hy giet wer op ‘e flecht op ‘e siik nei rykdom en macht, der’t er altyd fan dreamde. Dizze syktocht bringt him nei fiere lannen. At er ald is fynt er einliks wer’t er al sa lang om socht.

In aap oer de flier

24 februari 2015/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke MAASLAND, Dick van blijspul, klucht 2015 Jûnfoljend /door Stuft

Ek al seist hûndert kear datst’ dy net bemuoist mei polityk, oarsom ûntkomst der net oan. Dejinge dy’t der alles oer fertelle kin is de suster fan Alfred (of Alfie sa’t syn ûnferwachte freondinne him neamt), in amtner fan binnenlânske saken. Yn ferbân mei in tige heimsinnige missy útfanhûzet de Russyske diplomaat Popov by Albert, op fersyk fan de minister! Net ien mei it witte. Yn ‘e polityk lekt soks altyd út, en der komme ynienen hiel wat frjemde minsken oer de flier. In tige foarsichtige kontroleur fan it gas, in haai fan in typist fia in útstjoerburo, in feninige help yn de húshâlding mei har slongelige freontsje Pummy … en net te ferjitten beppe Bakker.

Passy of Pasta

10 december 2014/in folwoeksenentoaniel Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje. Hoekstra, Tineke OZPETEK, Ferzan iepenloftspul 7 ? ? Jûnfoljend /door Stuft

It draait yn dit stik om in grutte tradisjonele famylje fan pastamakkers yn Itaalje. De heit wol syn bedriuw oerdrage oan syn beide soannen. De jongste soan Tomasso wennet yn Rome tegearre mei syn freon, mar de konservative famylje is hjir net fan op ‘e hichte. As syn heit him freget te kommen om mei te wurkjen yn it pastabedriuw, hat hy der net safolle nocht oan. Tomasso beslút om ûnder in famyljediner út de kast te kommen. Hy hopet sa syn ferplichtingen te ûntrinnen. Syn broer Antonio nimt lykwols earst it wurd en bringt Tomasso unferwacht yn in posysje dy’t er no krekt tefoaren komme woe. Der ûntsteane konfrontaasjes tusken de tradisjonele famyljewearden en de opfettings fan oaren.

Ienris twaris

5 november 2013/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke HOEDEMAKERS, Hub 2011 Ienakter /door Stuft

Earste ienakter: Twa Brieven
Twa minsken, dy’t alles ferlern ha, fine elkoar.
De iene is ûntsnapt oan de ferskrikkingen fan in oarloch en de oare wurdt oan ‘e kant set troch syn frou.
Se steane beide mei lege hannen, mar dan jouwe se elkoar de hân. Beroaid, mar net allinne.

De twadde ienakter giet oer de repetysje fan “Twa brieven”.
De beide spilers út de earste ienakter ha earder in relaasje hân en it is gjin tafal dat sy inoar no wer moetsje.

Wat seit in trouring no

16 oktober 2013/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke MAGNIER, Claude blijspul, klucht Jûnfoljend /door Stuft

In keunstner hiert twa wike de boppeste etaazje fan in flat yn Ljouwert, om’t hy yndruk meitsje wol op in rike man: hy sil mei de dochter trouwe. Eins is it it idee fan syn minneres om fan harren jildprobleem ôf te kommen, mar no kostet it allinne mar mear jild. Hy hat it útstjoerburo frege om in butler, mar der komt in famke fan it plattelân dat net folle ûnderfining hat as ‘butler’.

Bloedbân

24 augustus 2012/in folwoeksenentoaniel Dit stik is útjûn troch útjouwerij De Toneelcentrale. As jo it stik spylje wolle moatte jo de boekjes by De Toneelcentrale keapje. Hoekstra, Tineke RUSSEL, Willy iepenloftspul 1983 Jûnfoljend /door Stuft

Bloedbân is it ferhaal oer de twillingbroers Mickey en Eduard, dy’t fuortdaalk nei de berte skieden wurde. De biologyske mem, frou Jonkers, hat it net sa rom en har man is by har wei gien. Se bliuwt allinne achter mei in stik as wat bern en yn ferwachting fan in twilling. Se wurket by de rike famylje Van Leeuwen. Frou Van Leeuwen, kin gjin bern krije. Al gau kriget frou Van Leeuwen troch dat frou Jonkers de twilling der finansjeel net by ha kin. Se bepraat fou Jonkers om ien fan de poppen oan har ôf te stean. Net ien mei gan dizze ôfspraak witte. Frou Van Leeuwen docht foar de bûtenwrâld krekt oft se ek swanger is en dat fertelt se ek oan har man, dy’t yn it bûtenlân is. Se lit frou Jonkers swarre op de bibel en set har mei drigeminten ûnder drukdat se de ôfspraken neikomme moat. At de poppen berne binne, hellet frou Van Leeuwen ien fan de jonkjes op. Dêrnei jout se frou Jonkers dien en makket har bang meiit ferhaal dat de jonges noait witte meide dat se twillingbroers binne, omdat der dan wat ferskrikliks barre sil.
De jonges, Mickey Jonkers en Eduard van Leeuwen groeie op. De memmen besykje de jonges byinoar wei te hâlden, mar se komme inaor hieltyd wer tsjin, wurde sels goed freonen en fereale op itselde famke. Mar stadichwei wurdt de ynfloed fan it miljeu dêr’t se yn opgroeid binne dúdlik. Eduard is as ienichst bern opgroeid yn rykdom en wurdt studint, wylst Mickey nei de middelbere skoalle oan it wurk moat om himsels te ûnderhâlden en komt mei justysje yn oanrekking.
It liket derop dat de libbens fan de beide jonges fier útinoar rinne sille mar dan wurdt it geheim fan harren freonskipsbân ferret…

De simmer fan ’45

20 juli 2012/in folwoeksenentoaniel Opfieringsrjochten foar dit stik binne net regele. Nim kontakt op mei Keunstwurk / Staffryslan.nl foar mear ynformaasje. Hoekstra, Tineke LANG, Stephan drama 1991 Jûnfoljend /door Stuft

Fuort nei de befrijing fan Nederlân ûntstiene der alderlei relaasjes tusken Kanadeeske soldaten en Nederlânske jonge froulju. Foar guon Nederlânske froulju wie it kommen fan de machtich ynteressante Kanadezen net allinne it ein fan de besetting mar it joech ek gelegenheid foar ûntwikkeljende seksualiteit en ûnferwachte relaasjes. Yn it stik wurde twa Nederlânske famkes, Anna en Maria, allebeide fereale op in Kanadeeske soldaat. Guon soldaten sjogge de kontakten mei Nederlânske famkes as wille meitsje nei in lange oarloch, by oaren ûntstiet werklik in relaasje. De gefolgen bliuwe dan ek net út. Swangerskip en fertriet neidat de grutte leafde ûnder twang we werom moat. De frijer fan Maria sneuvelet op it slachfjild. Sy kriget in berntsje yn in tehûs en moat it ôfstean. Anna en jim belove elkoar trou, mar it needlot driuwt har útinoar. Harren leafde hat fiergeande gefolgen. Jierren nei de oarloch wurdt der in reüny hâlden. Is der noch in petear mooglik nei fiifentweintich jier? En wêr soe dat petear oer gean moatte. It stik is basearre op autentike ferslaggen en deiboeken fan froulju út hiel Nederlân, dy’t itselde lot ûndergienen.

Laitsje en gûle op’ e merk

26 april 2011/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke WINTER de, Lenie blijspul ien 2011 Ienakter /door Stuft

Mei humor priizgje de keaplju har guod oan. Foar in bytsje jild is der in soad te keap.
Earlikheid en kollegialiteit steane foarop en njonken harren gewykstens stiet ek minsklikheid. Wannear’t Anita privee-problemen kriget, libje har kollega’s op ‘e merk mei har mei en besykje har op harren eigen wize te helpen.

De útfanhûzer

16 juni 2009/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke DURBRIDGE, Francis skriller ien, wenkeamer 2009 Jûnfoljend /door Stuft

Robert Drury is in bekende filmstjer en syn frou Stella is in bekende aktrise. Se binne beide mâl mei harren soantsje Mike. Robert nimt him mei nei Rome at er dêr prate moat oer in nije film.
Krekt at Stella yn petear is mei in sjoernaliste, komt Robert ûnferwacht thús, mar sûnder Mike. Ferbjustere heart Stella dat har soan ûntfierd is. Al rillegau komt majoar Crozier by harren thús. Hy freget gjin losjild, hy wol allinne twa dagen by harren útfanhûzje. It wurdt noch frjemder at Crozier delstutsen wurdt troch ynspekteur Burford, dy’t gjin ynspekteur blykt te wêzen, mar dy’t itselde wol as Crozier: twa dagen útfanhûzje. Wêrom wolle dizze minsken allegearre itselde? Robert Drury mei in koarte besite oan syn soantsje bringe, mar wurdt dêrnei opsletten. Dan komt syn dûbelgonger Henderson en tegearre mei Stella moat er nei New York om in opdracht út te fieren. Krekt foardat se fuort geane docht bliken dat Burford troch in tûke set fan Robert oppakt wurde kin.

Kofje of tee?

8 maart 2008/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke GROOT KARSIJN, Gerrit komeedzje, skriller ien, personielskantine yn fersoargingshûs 2008 Ienakter /door Stuft

Frou Koops wurdt in bytsje demint en wennet yn in fersoargingshûs. Dêr slyt se de lêste dagen fan har libben. Famylje komt net mear op besite en freonen makket se ek net sa gau mear. Se slút wol freonskip mei de nije ferpleger Frank. Frou Koops en Frank binne it wakker iens en kinne goed mei inoar. Carmen is aktiviteitenbegeliedster, se sjocht der út as in folgroeide podde en hâldt en draacht har as in diva. Se krûpt Frank wol hiel bot op’e lije side. En wêrom is direkteur Richard sa senuweftich yn’e kantine fan it personiel? Wylst frou Koops har testamint opmakket mei de notaris, set it personiel alles op alles om har kapitaal yn hannen te krijen. Moardkomplotten wurde makke, bûnsgenoatskippen wurden sletten en ferbrutsen en in leafde dy’t net beantwurde wurdt soarget foar in soad skea. In komyske skriller mei in ûnferwacht ein.

It doek giet op foar moard

25 februari 2008/in folwoeksenentoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke MANKTELOW, Bettine skriller ien 1998 2007 Jûnfoljend /door Stuft

In ploech toanielspilers is dwaande mei in repetysje. Der bart in ûngelok en ien fan de spilers falt dea del. Dan sneuvelje der noch in stik as wat. In oarsaak is net oan te wizen. Pas op it lêst liket it wêrom dúdlik te wurden.

De magyske fluit

28 december 2005/in bernetoaniel Dit stik is útjûn troch de Stuft. As jo it stik spylje wolle moatte jo de boekjes by de Stuft keapje. Ynljochtingen oer de opfieringsrjochten stean yn it boekje. Hoekstra, Tineke EVERS, Lilian en André Bimbergen (muzyk) muzykteater ien dekor 2004 Ienakter /door Stuft

Yn it bosk wenje twa groepen: de Klassikers en de Rockers. De beide groepen kinne inoar net útstean. De skok is grut as bliken docht dat sy gearwurkje moatte om har bosk te rêden. Want hoe komt it dat de reinbôge-elfkes net mear komme? En wêrom geane alle blommen en planten dea? De domme Trombo en prinses Medij wurde op ferkenning stjoerd. Prins Ritmo giet al gau mei har mei. Mar sy wurde folge troch de kweade boskfekke Amoezieka, dy ’t mei it duveltsje Valsini alderlei gemeine trúks betinkt om it trijetal tsjin te hâlden. Gjin plan is har te mâl. Lokkich krije Trombo, prinses Meldij en prins Ritmo ûnferwachte help en docht bliken dat de fluit fan Meldij hiel magysk is.

It tema muzyk, de tsjinstelling tusken klassyk en rock en de eleminten loft, wetter en fjoer biede de regisseur en de spilers boppedat in ferskaat oan kreative mooglikheden.